【Viu】書展開鑼，COLLAR三位女神Ivy、Day、Candy今朝一早就到場為相集《After One More Bite》舉行簽書會，600個籌秒速派完，逼爆書展呀。相集以「食」為主題，3位靚女興奮表示拍攝時一日食足10樣香港美食，但就失望話曾提出食肉餅山同菠蘿油被拒。Ivy、Day又分享掃街tips，匿喺垃圾桶隔離食旺角橙色滷味、淡定買雞蛋仔就唔會引起騷動喇！
咁下步會唔會挑戰影水著寫真？佢哋就話標價至少要$3,380先有得傾呀！咁fans要儲定錢喇！Ivy、Day、Candy都話唔抗拒着泳衣，仲話全隊COLLAR有意約船P互影靚相，約足4年都未成事。講到今日凌晨世界盃法國大戰西班牙，Candy苦笑話燈走咗愛隊法國，仲自爆呢段時間燈走咗4隊波喎，下轉要收錢先做燈神呀！
而今朝0430先收工嘅Ivy，就劇透少少同Anson Lo已為港版《金秘書》圍讀咗，聽日就開工，仲話有保留咗韓版嘅親熱戲添！咁是咪要刷定牙先？另外Day有份演嘅《日落下的彩虹》亦即將開播，佢話同「媽咪」唐詩詠相處愉快，亦話好恨拍俾霸道總裁壁咚嘅戲份，有愛情又有少少動作嘅？想感受COLLAR嘅cute爆震撼力，仲唔入嚟睇片！
