【Viu】張繼聰、ANSONBEAN、Lyman現身香港舞蹈團大型舞劇《武道》 —— 「李小龍的有法與無限」巡演記者會，會場內展出多張已故功夫巨星李小龍生前嘅生活照，郭富城更以親筆書法題字，以書法致敬李小龍，而李小龍之女李香凝仲專登拍片支持！
阿聰透露細個嗰陣都練過吓詠春，爸爸更送過木製雙節棍畀佢，對扑親頭絕對有經驗！提及《功夫女足》公布阿聰有份參演，佢沾沾揚言同到周星馳合作係一大成就，出招盡吸星爺嘅「法力」！阿聰更高度讚星爺係佢合作過咁多個導演之中，最認真、仔細嘅，得到呢次機會絕對係榮幸，仲抵死爆星爺以「聰哥」嚟稱呼自己添！
講到愛女Kakaball飛L.A美國參加世界跳舞賽，阿聰讚阿女好叻，克服時差以第4名入決賽，而今晚晏啲就係決賽，希望佢有好成績！笑問阿聰有冇凌晨4點睇比賽直播？佢自稱冇義氣等，又乘機「投訴」阿女冇搵過佢，深深感到潑咗出去嘅水嘅感受，要借排舞台劇麻醉自己！
ANSONBEAN除咗帶嚟一段武打演出之外，更即場向舞蹈團偷師學耍雙節棍，甚有天分㗎！亦估唔到Lyman都耍得兩下，原來佢私下有偷偷拜師學藝，唔知佢有冇唔小心打親自己呢？主持咗一排《8點直樂VIURIETY》，Lyman覺得如何？另外，佢又有冇追睇晒自己有份演出嘅《Hashkey Exchange 呈獻：THE SEASON》？
近日ANSONBEAN再孖AK、邱禮濤導演憑電影《我們不是什麼》出席台北電影節，感謝台灣影迷嘅支持，最終獲選第二名最愛！另一邊廂，ANSONBEAN勁撐細佬Ian Hannz@ZPOT首個團綜《ZPOT新丁計劃》，心痛細佬凌晨出門拍攝好辛苦，而佢自己亦想挑戰爬龍舟，下次嚟個龍舟battle？依家就先睇足本訪問！
