【Viu】賀歲片《臨時劫案》今晚舉行慈善首映，郭富城、任賢齊、林家棟、Maggie張可頤，4位主角齊腳現身。城城日前因扁桃腺、眼同耳仔輪住發炎，搞到缺席大馬宣傳，Maggie捱義氣頂咗呢單嘢，仲話唔忍心睇住天王謝咗、漏晒氣。
不過家棟就寸城城跳舞可跳兩個鐘，謝票就唔得。城城又拆解俾人影到謝完票要家棟攙扶落樓的原因喎！小齊又爆城城、家棟唔使瞓，成日捉住佢傾劇本，仲改到花晒添，笑C！
同場仲有Kathy仔王頌茵、ANSONBEAN陳毅燊，二人喺戲中雖然冇對手，不過Kathy仔就勁讚ANSONBEAN係好男友人選，又話唔介意佢有過度活躍症咁話！而ANSONBEAN就劇透少少，話戲中同某人有好多身體接觸，仲伸手入件衫摸添呀！巧Juicy呀！想知更多？睇足本訪問片啦！
