【Viu】「壽星仔」Anson Lo今晚同AK、Jeremy喺《8點直樂 VIURIETY》玩到癲，仲獲節目組送上蛋糕預祝聽日生日，場面熱鬧！教主多謝神徒BB嘅連串生日應援，最感動係見到大家跳《一所懸命》嘅畫面，自己都睇到眼濕濕呀！AL親解喺澳門演唱會嘅哽咽原因，又開心Share生日願望係人人有工開，笑問會唔會買包包獎勵自己？教主就話唔會喇，但AK同Jeremy即齊齊高呼要壽星仔送包包，將好運傳開去，認真鬼馬！
至於AK就講返去台灣宣傳《我們不是什麼》期間，偶遇隊長Lokman去旅行，第一次齊齊唱K之餘，仲見識到隊長飲醉酒嘅狀態，又爆笑講台語，果然係電兔AK呀！AK又劇透同Lokman唱K可能係備戰《W.T.F.》澳門站，有玄機喎師兄！ 當AL同AK分別講到要備戰港版《金秘書為何那樣》同《悠長假期》時，AK竟提議演霸總嘅AL齋拍洗頭Shot，打死都唔沖涼，笑爆全場！
Jeremy亦趁機公開爭取拍劇機會，教主即起鬨要好友除衫拍床戲。想睇MIRROR三子點樣因為團綜發生「曼德拉效應」？睇足本訪問就知啦！
