【Viu】
「包包」CONSTANCE陳康堤今晚現身商場Live Show，打頭陣唱歌畀大家聽！男友、「香港網球一哥」Coleman黃澤林專程嚟撐場，當包包上台嗰陣，Coleman就同「未來外母」徐濠縈企埋一齊，十足小fans用電話幫女友拍片，又有跟住音樂郁動body，睇到勁投入！
事後包包冧爆話有男友在場係令佢安心啲，佢仲話呢次係Coleman第一次嚟睇佢出show，唔知男友又有咩comment呢？包包透露好快就會推出快歌，然後失驚無神玩放閃，揚言因為依家拍拖真係好開心，所以啲歌都寧舍輕快啲！包包再冧爆話係因為男友打網球先鑽研呢方面嘅興趣，如果要搵網球教練，包包會揀爸爸Eason陳奕迅定男友Coleman？算唔算係世紀大難題？！
調返轉頭，Coleman又會唔會喺包包嘅新歌獻聲？至於有傳Eason豪擲1.8億買入壽臣山豪宅疑贈愛女包包，包包知唔知情？對有報道以「寵女狂魔」嚟形容Eason，包包又同唔同意呢？
Marf@COLLAR壓軸出場，為配合呢日嘅活動主題，佢自爆話專登去再曬燈變朱古力色肌膚！再數到團內邊個係大胃王，Marf就話係Ivy So啦，然後又話養生達人最鍾意食朱古力添！
嚟緊COLLAR再次同泰國女團4EVE合體，9月會喺澳門開騷，繼CHILL CLUB同台後會再帶嚟咩驚喜？要唔要再學多兩句泰文傍身？另外，唔知Marf又有冇追睇晒有份演出嘅《Hashkey Exchange 呈獻：THE SEASON》？集氣開《THE SEASON 2》？
ROVER呢晚亦有演出新歌《初級大人》，氣氛chill爆！新歌MV搵嚟師兄Tiger@MIRROR同Ocean安柔潔演出，四子指唔止有去探班，仲有調返轉頭撐Tiger個麥花臣騷！亨仔被爆差啲揈爛個欄，究竟發生了甚麼事？嚟緊會唔會搵Tiger cover首歌？跟住落嚟會再挑戰拍咩試食片？點知講講吓突然燒埋去Jason幾時結婚度，即刻去片聽Jason點答啦！
