【Viu】港台主辦「第47屆十大中文金曲」頒獎禮今年移師東九文化中心新場舉行！「包包」陳康堤再擸多個新人獎，笑言依家擺晒兩個新人獎喺客廳展示，仲爆Daddy陳奕迅有去欣賞啲獎添！
早前包包傳與香港網球「一哥」黃澤林熱戀，被問到有冇收到「男朋友」嘅message祝賀嗰陣，包包一秒變冧樣，甜絲絲答收到「你好叻！」嘅message，正式認愛，sweet到漏呀！包包怕醜點頭承認同男友嘅愛苗因網球燃起，原來更係照「傳統」由屋企人牽紅線，所以就一早已見晒家長啦，唔知屋企對男友又有咩評價？一哥同Eason打波會唔會行「外父政策」讓分？
包包又抵死笑言屋企人未係好認識洪嘉豪叔叔，所以未有對象可以介紹啦！下個月包包會同Gareth.T、MC張天賦唱拉闊，會唔會叫埋屋企人加男友嚟睇騷？Gareth.T預告已經排好rundown，咁練好舞未？
同時亦有傳包包會同Eason父女檔上內地綜藝節目，呢件事又係咪堅嘅？而再獲唱作人獎嘅Kaho，就被包包「嫌棄」講英文，仲被勸退唔好出英文歌，呢位叔叔又點回應？
COLLAR派出隊長Gao、Winka、芯駖做代表攞「最佳樂隊/組合獎」銅獎，齊齊表示好開心呀！咁啱Winka日前就喺同一場地開騷，佢話最深刻係孖唔同單位合作，特別係同男友朱芸編同台演出！Winka笑指全程乖乖聽男友指示，莫非私下嘅相處方式係調返轉？Gao亦話見到呢對小情侶同台鬼咁有型呀！而芯駖就爆《夜王》東日慶功宴去到現金抽獎時勁high，最最最驚係自己、身邊工作人員抽中，如果唔係就要嘔突咁話！其中中招嗰個就係子華神啦，芯駖仲爆埋阿Dee亦有拎張1000蚊大紙出嚟抽獎，真係聽見都覺得high呀！
