【Viu】李施嬅、Crystal張紋嘉今日出席美容活動，擔任司儀嘅強尼不斷讚兩位Keep得好，口甜舌滑！受訪時，強尼再落嘴頭讚Crystal同初出道時一樣樣，又話識跳HotCha金曲《不要防曬》添！講到《COURT!》叫好叫座，兩位梗係響應網友呼籲開第二季，Crystal仲話可以奉旨再鬧「方官」Stanley；強尼即投訴「前妻」厚似薄彼，對Stanley好過自己喎！
講到男友林子傑嘅通訊軟件中咗釣魚程式，周圍問朋友「借錢」，Crystal大呻有親戚落叠，損失5位數，已報警處理。強尼聞言即自爆有朋友試過被電騙7位數，至今仍未追回款項，而自己父母都收過詐騙電話，好彩最終冇受騙咋！強尼又透露即將演出舞台劇《大象的告別式》，所以今屆世界盃唔使講波，又激讚新拍檔Jeremy感情豐富，花姐睇完綵排都激讚！
此外，施嬅話同舊愛車崇健再見亦是朋友，如果有新戀情都Ready，唔會因為受情傷而唔拍拖！施嬅亦有回應吳文忻病逝一事，想了解更多就睇足本訪問。
