【Viu】強尼、Brian陳安立、Dixon黃奕晨、陳子豐、羅子熙、Lyman香胤宅、Kai張家文、Ah Gi樊沛珈、Hailey陳俞希、李昭南、蔡宛珊、Yoyo葛綽瑤、「Kathy仔」王頌茵同NB倪碧賢今日代表「ViuTV隊」錄影ViuTV全新節目《公司!我要打 Pickleball》，當強尼被爆為Pickleball使好多錢時，起碼有4塊過千蚊嘅球拍；點知擁有教練牌嘅Brian原來屋企係有一部價值8千蚊嘅發球機，兩位人夫仲搞Gag話：「男人有咩玩呀？」不過兩位隨即被爆唔跟大隊打到朝早05，要早走返屋企慰妻喎！同樣係人夫嘅Lyman就被取笑唔跟公司Dress Code，唔肯著有公司Logo嘅短襪，堅持要著船襪顯腳長喎，SLDPK呀！而Dixon同Kathy仔就瘋狂放閃，「一姐」Hailey都忍唔到出聲；最年輕嘅Yoyo就示範點樣一句「焫著」前輩，勁暴走！
另一邊廂嘅訪問同樣暴走，Ah Gi控訴食Brian波餅搞到瘀晒；子豐即作狀「自搣」搶Fo；娟姐就話公司怕咗佢打Pickleball喎！想知點解就睇足本訪問啦！
