【Viu】TELLER王偉俊同Jacky Fan范卓賢今日出席《Now TV @蘭桂坊世界盃2026狂歡盛會發佈會》，獻唱《全民開波》同《黃金入球》炒熱氣氛，仲揚言要帶《造星VI》男團ZPOT嚟蘭桂坊睇世界盃，各位Fans隨時可以野生捕獲㗎！
TELLER同Jacky原來同蘭桂坊都有淵源，TELLER喺老蘭參加過Beatbox比賽得到亞軍；Jacky嘅第一次駐場表演亦喺老蘭，仲「Call馬」撐場添！至於酒量，兩位都謙稱未夠班，TELLER試過喺韓國慶功宴飲到斷片，又試過醉到捉住朋友唱Justin Bieber；Jacky就自認演技好，最叻扮醉閃酒，有啲料到喎！兩位仲大方競猜ZPOT成員嘅酒量，唔知大家又點睇呢？
此外，Jacky透露早排患上「怪病」，醫生仲話「冇藥醫」，咁驚得唔得㗎？想了解更多就睇足本訪問啦！
