【Viu】《造星VI》冠軍TELLER王偉俊、季軍Jacky Fan范卓賢正式加入MakerVille 以個人姿態出道，今日喺維港景下舉行新歌發布會，除咗各自首唱出道作《淚光萬歲》、《I’m telling you》，仲趁住聽日（14日）情人節，合唱《世一》、《命硬》送畀fans！
兩位2026新人話見到現場嚟咗咁多fans都超興奮，首唱新歌嗰陣腎上腺素飆升勁high！佢哋更即場宣布埋MV推出日子，到時仲會同fans開live睇直播添！
佢哋受訪時仲再次透過鏡頭送情人節福利，隔住個mon喪派心，亦趁住出道大日子正式宣布官方fans名，分別係「范粒」、「TELLER星人」，而Jacky Fan仲透露埋「范粒」可以演變出「范糰」、「范桶」，究竟呢兩個名係點諗出嚟？
講到TELLER日前同B3組為Miss Gin嘅紅館騷擔任嘉賓，jam咗《Goodnight》呢首歌，TELLER形容係去咗另一個level，未出道先上紅館！佢又話係專登加Miss Gin啲歌名入rap詞，公開爭取可以推出呢個version！係咪會守承諾，遲吓輪到佢開紅館就請返Miss Gin做嘉賓？
音樂監製徐浩呢日亦有到場撐TELLER、Jacky fan，話好戥兩位出道開心！唔知佢覺得呢兩位新人變化得最大係咩？另外，提到徐浩同老婆曾樂彤再推cover歌片賀情人節，徐浩突然勁怕醜咁話，有諗返起佢哋5年前首次cover嘅情景，就係因為嗰次產生愛苗！佢又期唔期待派雙封利是？度咗蜜月未？有足本訪問片睇啦！
