【Viu】Ivy So@COLLAR、TELLER連續兩日孖住出動見fans，今日換上波衫同fans玩遊戲，現場超high呀！估唔到Ivy So同TELLER都踢過前鋒位置，唔知佢哋有咩必殺技？嚟緊世界盃佢哋會撐邊隊？係咪燈神？之後又許願希望可以同fans一齊睇決賽，另加一生人都想現場睇一次世界盃！
咁啱Ivy So同TELLER都分別出咗新歌《原地拖手》、《溺愛》，所以諗住互幫打歌，TELLER更揚言度咗段rap同Ivy So拍cover片，誠意十足呀！Ivy So為配合歌名，話如果見到佢可以request拖手呀，各位蘇蝦記得把握機會拖女神隻手啦！
按照「傳統」，Ivy So繼續set MV點擊數字解釋特別任務，今次佢就話如果view數過1M就會詢問一男子，睇吓可唔可以一齊拍條「拍一日拖」片，又搞笑話MV出咗之後都有關心男主角Ryan嘅人生安全，係冇收到刀片嘅！
至於TELLER就行保守路線，如果MV破30萬點擊，就可以解鎖摸頭殺，兩邊聽落都好吸引啵！見TELLER有同Marf拍dance challenge，會調返轉搵Marf加持？另外，Ivy So噚日隔空向Gao追新歌BTS有冇下文？想知嘅話就去片啦！
