【Viu】ZPOT今日重回出道地開戶外騷勁hyper，事隔4個月就好似加咗新技能咁，首唱新團歌《反話》，識講嘢呀！呢日更值得開心嘅係牛牛正日生日，獲兄弟s、fans唱生日歌慶祝之外，騷後仲有生日蛋糕呢part surprise，難怪牛牛突然爆喊，勁感性呀！
七子為宣傳《反話》搵嚟唔少藝人朋友玩遊戲，原來係Ian Hannz嘅idea，揚言之後話要搵「火星人」Bruno Mars做challenge，講得出就唔好走數啵！講返個戶外音樂會，Ian專登排咗part猛男舞同Marcus、Cow跳，搞到個場更㷫烚烚呀！而喺Ian嘅Solo part，唱到最後索性跳埋落台，so hot！
「隊長」Alvin挑戰「小隊長」盧廣仲嘅《幾分之幾》緊唔緊張？Bosco、Dave、Gordon分別同師姐Day、Candy、Winka crossover又有咩趣事？另外，ZPOT預告團綜拍攝ING，率先劇透會玩齊海陸空，仲會參加一個公開比賽，希望攞到冠軍咁話，想知詳情就要等到7月頭公布啦，依家就可以先睇足本訪問片兼聽歌！
