【Viu】陳曉東今晚為《8點直樂 VIURIETY》Music Night任嘉賓，孖P1X3L 5G、張家文、羅子熙同丘藍分享入行30年嘅心得同玩遊戲，以Phoebus同George為首嘅紅組輸咗畀5G組成嘅白組，要食大碗麵做懲罰！Phoebus立Flag下星期會成功覆啅，5G聞言即公開爭取要用Phoebus最討厭嘅榴槤嚟做大懲罰，識玩呀！
Phoebus透露早排同George、Marco合體拍攝，預告P1X3L將有新作品推出。而5G都話好想再同P1X3L合作拍節目，Sica仲語出驚人亂噏新節目名，嚇到大家齊齊嗌「收咪」呀！
至於東東就話好耐冇做Live Show，大讚節目好玩，亦慶幸一班後輩識自己嘅歌。佢又話做埋呢個節目就要閉關準備紅館個唱，早前排舞時仲扭傷腳，日前做方力申嘉賓時要靠演技掩飾痛楚。想知更多就睇足本訪問啦！
