【Viu】《Hi MIRO! Garden Party 2026》第二回連日有姜濤、Edan、AK、Jeremy、Tiger、Frankie攻陷鏡粉s。前晚壓軸登場嘅姜Admin，陪姜家人畫畫期間，仲跪地唱天王黎明金曲《夏日傾情》，兼送大禮如珍藏波衫、籃球、台灣買嘅帽、日本夾嘅蠟筆小新公仔畀，小編都暈了！寵粉姜又以激將法鼓勵一位啱考完DSE嘅粉絲，「even我係你偶像話你做唔到，你都要做到！我都試過俾好多我好care嘅人話我做唔到，你要相信自己！」
認真完，就輪到「玩嘢Mode」Edan，本尊一出場，全場MIRO齊揮舞塵拂營造「祓浪」，笑C！期間Edan又對一個著住「爵屎裝」嘅粉絲施展「祓教式」摸頭殺許願加持，仲即場清唱咗幾句《LOVERSE》。送禮物環節，Edan將「原味襪」同用咗多年嘅運動頭帶掟向觀眾席。Yo係最接近偶像嘅一刻呀！
而Jeremy場次亦驚喜連連，一開場佢已直接行入觀眾席唱《Away》，又大派「花仙子」福利，同MIRO握手、摸頭、餵食餅乾，更「霸氣命令」MIRO同佢對望10秒，喂呀！更主動攬攬患病歌迷兼打氣。嚟到Frankie 主場，皮皮實行花式寵粉，以行Fashion Show形式踎低綁鞋帶，俾MIRO喪影相。更應要求化身熱播劇《IT狗2.0》嘅Never同全場打招呼，更預告將推出新歌。
到「電兔」AK真係唔講得笑，佢為歌迷送上成箱喺《我們不是什麼》暉仔嘅主要食糧杯麵，當然有「暉仔」簽名啦！呢位幸運生粉開心到開心到O嘴，搞笑！AK又感性分享：「我覺得我喺意大利接受到嘅掌聲，好大部份都係因為你哋。」更「失守」哭咗！另外打頭陣嘅Tiger，就興奮向小虎隊透露，希望喺6月Solo Con Part II前再出3首新歌，喂呀正正子呢！虎仔又衷心感謝有MIRO由中一支持到而家讀中六，感觸時間過得非常快。想感受眾人滿滿嘅愛，入嚟睇現場實況片啦！
