【Viu】Stanley邱士縉、Peter陳湛文、練美娟、強尼、Sica、陳子豐、雷濠權今日出席ViuTV原創劇《COURT!》記者會，首演法官嘅Stanley最難忘對白超長；Peter仲自認有老花，要放大劇本字體先睇到；娟姐就要收起喜感，挑戰瘋狂鬧人嘅角色，被Stanley笑指係「本色演出」，訪問時仲即席「摑」到Stanley出鏡，笑爆全場！
講到另一劇集《IT狗2.0》熱播中，Stanley受訪時不斷自帶「嫪毐邪惡bgm」，仲預告有另一重磅角色喺結局周出場；Peter就話「男B」同梁仲恆飾演嘅「Kelvin」慢慢開始有BL Feel，而且結局係「血流成河」嘅。而娟姐就話可以做「棉住尼」網上情人好開心，可惜冇得同偶像古天樂「真同場」，仲自爆因此鬧爆幕後團隊添噃！
此外，強尼同子豐取笑Peter「未老先衰」，自己喺睇劇本方面零障礙；Sica同Jason就集氣《COURT!》開第二季可以加戲份！想知就睇足本訪問啦！
