【Viu】ViuTV電視劇《IT狗2.0》後日進入結局周，Frankie@MIRROR、「小龍」凌文龍、Hanna陳漢娜、Yoshi余逸思、「霞姐」張錦霞、「Johnny仔」鄧子超，今日搞咗個巴士巡遊快閃宣傳，直接殺落旺角、尖沙咀同fans見面，齊齊叫「I say pay pay, You say duck！」又大派福袋，氣氛超high！
Frankie直言一開始都好擔心天氣，但好彩天公造美，同Yoshi、霞姐期待同fans見面！繼上次「WTF巴士」Lokman同途人叫賣式傾偈後，Frankie有冇諗定咩互動？霞姐會唔會高呼大台金句？「掌門」Lokman有冇交代咗啲咩畀佢？
霞姐特別提到前日有集係陳宇琛復刻其爸爸石修20年前嘅經典場口，笑言可以親身睇到感安慰呀！至於問到Yoshi同梁仲恆喺劇中會唔會開花結果，Yoshi又點答？佢哋仲叫定大家嚟緊要準備定紙巾睇劇，莫非劇情有洋蔥？點知下一秒Frankie同霞姐輪住預告遲吓會有血流成河、體力勞動嘅大場口，堅係期待喎！
朝早參加完MIRO見面祭嘅Frankie，笑言唔少皮寶寶都要求同Never對話，笑死！佢仲透露埋新歌推出時間添！談及有住宏福苑嘅皮寶寶感謝Frankie送暖，佢指只係想做應該做嘅事，做多一步去幫人！
小龍喺劇集中開金口唱AK嘅《信之卷》引極大迴響，佢自嘲ruin咗首歌，又提到同AK愛的抱抱嗰陣趷腳嘅BTS！當問及佢同Hanna嘅感情線，小龍突然公開爭取同AK、Stanley拍三角戀BL情節，Hanna放唔放人先？小龍同古天樂對戲有幾high？嚟緊Johnny仔會唔會再出場？佢一直點保守秘密，唔話畀人知佢有份演出？想知就去片啦！
