【Viu】姜濤、Anson Lo、Ian 、Jer、Stanley、Alton、Tiger、Frankie今早11點幾就現身商台宣傳新團歌《ATTENTION》，吸引逾200粉絲迫爆商台門口。MIRROR 8子前一晚出席完Chill Club頒獎禮，瞓得幾個鐘，就精神奕奕嚟到接受《叱咤樂壇》直播訪問，Alton話已錄好一首慢歌，Jer就笑住緊接劇透：「好似仲有兩首？」皮皮亦響應爆料，指自己今個月23號前會出Solo，掌聲呀！
Tiger亦透露團con將會喺12月初舉行，佢同Alton即舉手話想睇文哥跳士多啤梨喎！喂呀小編都排隊等睇呀！
將於年底成為人夫嘅大表哥，認為電話不離手影響人與人溝通，所以會喺電話set time limit，限自己每日只用1粒鐘，果然係成熟男人呀！而姜Admin更指考慮將ig、fb帳號交俾公司打理，仔仔s即起哄同問：「有呢個服務咩？」笑C！
大表哥同虎仔因有工作1點左右先行離開，而其餘6子近3點亦分兩批步出電台，問佢哋噚晚瞓唔瞓得夠？姜濤、Ian 同Frankie即甜笑回應，charm爆！面對Fans冒着微雨守候，眾人都表現得好有愛，教主更放題式派巨心冧暈神徒s，想睇8子幾有愛，入嚟睇片咪知囉！
