【Viu】Yan Ting周殷廷早前疑借與JACE陳凱詠合照，製造欲「官宣戀情」假象宣傳新歌，引嚟極大迴響，因而被封做「Market廷」！呢晚YT終受訪交代成件事來龍去脈，不過就婉拒與JACE同台，過程中講咗兩次非常之唔好意思，向fans表達歉意，揚言絕對唔係大家諗嘅結果，完全低估網民鍾意CP嘅畫面，承諾下次會喺宣傳上做得好啲！
回帶講到有報導指有fans野生捕獲佢同JACE「蜜遊」英國，呢件事YT又點解釋？有冇諗過喺爆發「戀情」後即時澄清，而唔係順勢再post埋合照加心心caption？再問點樣同女朋友交代嗰陣，YT認同育有一女嘅飲食界KOL Hilda拍拖，指對方思想成熟，一直都知道成件事，最唔想係影響到小朋友。
至於對將GiGi梁詠琪送贈嘅CD出售，YT話唔係佢嚟，指張碟喺公司嘅一間專擺藝人收到禮物嘅房遺失，事後有冇親自聯絡GiGi解釋？最後YT又再澄清日前十大中文金曲唔係因嚴重鼻敏感而早走唔受訪，誤會源頭係因咩事？
JACE對同YT擦身而過，佢聲稱YT需要空間處理，又自嘲知道大家都好嬲佢哋，亦有睇到網民repost返佢曾經做過嘅訪問片，片入面講到宣傳唔會用唔係事實嘅事，故被指背道而馳，JACE拆彈話今次係以演員身份配合，並非屬自己嘅事！佢又稱預咗大家會有好大反應，係合情合理，之後點挽回返個形象？
另外，呢晚JACE喺同艾粒、ZPOT crossover嘅舞台，最後古天樂驚喜現身，佢搞笑透露同古生合作有簽保密協議，仲有行動代號添！同古生合作又有咩趣事？即刻睇足本訪問啦！
