【Viu】JACE陳凱詠今日開記招宣布處女紅館騷《JACE陳凱詠 JACE WORLD 紅館演唱會2026》，暫定喺明年農曆新年舉行兩場！一收到咁靚嘅檔期當刻，JACE搞笑形容似係「意外懷孕」，更即場表示會喺騷前再出碟，咁單嘢仲唔係「雙胞胎」？
雖然距離紅館騷都仲有3個月，但JACE笑話依家已經開始緊張，見到現場嚟咗一班「二品官」，JACE一秒變眼淺，眼泛淚光感謝fans一直以嚟嘅支持！對有三位二品官許願，其中有兩位點名想JACE搵埋老best兼金馬影后后鍾雪瑩、《Last Seen!》組一齊上台，未知JACE會唔會幫手實現？或者搵埋林家謙、YT大哥、甚至係充滿表演慾嘅daddy上台？
身兼歌手、出品人身份嘅JACE，坦言最擔心係自己太多嘢要顧，未能全心全意去準備！講到今次係四面台兼破天荒特設企位，JACE指對紅館表示會積極配合好開心，希望到時同二品官反轉紅館！同時佢亦期待收觀眾嘅利是，但唔知JACE又預備好派開工利是未呢？今次開騷零歌酬？會唔會加場？
另外，JACE日前放膠飯盒入蒸焗爐自嘲零自理能力，有冇即時惡補生活常識？想知就一律建議睇足本訪問，仲有得聽JACE唱《PTSD》、新歌《是那麼聲勢浩大》添！
