【Viu】George@P1X3L、TELLER、Jacky Fan今日齊齊出席品牌 x Michael Jackson活動，George話細細個就睇MJ大，而兩位師弟TELLER、Jacky Fan就指喺音樂上有受MJ啟蒙，至於喺跳舞方面，3位即場輪流晒moon walk，有料有料！TELLER、Jacky Fan亦繼續預告第二首歌嘅進度，有機喺嚟緊嘅公開活動首唱？
對有傳George加入《九龍城寨之終章》，佢就大賣關子話有待公布啦，但見佢呢期密密習武，係為打仔角色做準備？有冇受傷呀？如果可以同《城寨》嘅前輩交手，George想同邊個對打？而佢喺《IT狗2.0》嘅眼鏡look極圈粉，之後會唔會再出現？
至於講到Phoebus自爆切除手臂1.5cm粉瘤，George再代平安話係良性嚟嘅，手術一切順利，叫大家唔使擔心！咁幾時可以見到P1X3L合體、甚至係出團歌？相信各位Puzzle都好掛住三子呀！
同場仲有對準新人，張明偉拖住未婚妻Annise許倚榕恩愛進場，Annise冧爆話係專登戴住隻求婚鑽戒出嚟畀大家睇㗎！佢哋除咗還原sweet爆求婚過程之外，張明偉仲透露埋準備過程，原本想喺旅程嘅Day 1求婚，但因某因數取消咗，咁係因為啲咩？
佢哋又預告下年擺酒，仲會當個show咁嚟籌備添！咁張明偉咪會寫首結婚歌送未來老婆仔？有冇諗定造人大計？另外，李麗珍喺大馬拍戲撞瘀眼，Annise有了解媽咪情況？想知就睇足本訪問啦！
