【Viu】P1X3L三子趁今日元宵佳節，齊齊以白馬王子look出活動見Puzzles，真係sweet到痺呀！三子應活動主題大晒身上金器，抵死自稱土豪味濃，邊夠你哋玩先？咁有冇送過珠寶畀另一半？又有冇送過畀「前世情人」媽咪？點知George就語出驚人，超爆笑！而三子喺情人節有冇約佳人？邊個要練大膽？
日前播出嘅《P1X3L 5G 上位計劃》，嘉賓七師傅逐個講蛇年運程，講到George今年會發5次皮膚病，係咪靠「傻笑」就可以擋煞？Marco又真係會爆紅？屬鼠嘅Phoebus被七師傅算今年會紅出宇宙，咁咪紅到發紫？咁有冇喺農曆新年小賭怡情發個開運財？
師兄YT周殷廷早前表示同環球續約開出其中一個條件，就係全公司各部門一齊進步，P1X3L一聽即表示同意，咁唔知佢哋想喺邊方面進步？佢哋又乘機「投訴」YT成日講經添，而Phoebus扮起YT上嚟都堅係幾維肖維妙！
另外，《全民造星VI》強勢出擊，Marco個學霸細佬Manson會唔會參加？又會唔會推薦身邊嘅好朋友去？George搞咩突然倒抽一口涼氣咁款？快啲去睇足本訪問片啦！
