【Viu】Jeremy@MIRROR、強尼、「小龍」黃靖程合體出席音樂劇《大象的告別式2.0》記者會，三位透露已經開始排練兼有上singing section，小龍讚Jeremy嘅演出令角色更有暖男feel，搞到佢堅係有心動，同時佢又自稱係「大叔控」，所以對住「九龍灣孔劉」強尼都有小鹿亂撞feel㗎！
首次參演音樂劇嘅Jeremy表示係一大挑戰，都會擔心自己是否handle到，所以事前做足準備，又有向「前輩」Frankie取經！而對強尼大哥力讚係液體型演員，佢又點睇呢？Jeremy喺呢日仲帶多個surprise畀大家，就係預告新歌趕工中，希望可以喺音樂劇演出前畀大家聽到！唔知佢又會唔會效法AK，搵齊11位兄弟拍片宣傳？
強尼自爆收到再演出嘅邀約嗰陣，第一時間係reject，到底發生了甚麼事？到最後決定二度接演嘅原因又係咩？佢又笑指上次演出冇叫囝囝嚟睇，怕個仔接受唔到佢有強烈嘅感情流露咁話！Jeremy接住爆強尼大哥今次嘅outfit都好衝擊，sexy程度係令人有遐想嘅空間，齋聽都覺得係少布呀！先睇足本訪問！
