【Viu】《ViuTV 10周年午宴》今日舉行，9位MIRROR成員齊齊祝公司生日快樂，仲劇透將會開拍團綜添！除咗團綜仲有兩顆震撼彈，就係Edan呂爵安、Ali李佳芯同AK將會合演港版《悠長假期》；Anson Lo盧瀚霆再演霸道總裁，同Ivy So合演港版《金秘書為何那樣》，猛呀！
Edan直言起初收到邀約做「港版木村拓哉」時震驚兼猶豫：「係咪玩我呀！大家唔好打我！」仲謙稱自己除咗識彈琴外，同木村完全冇共通點，冇可能「與神同行」，仲話要為「鋼琴王子」瀨名秀俊一角苦練琴技，希望全部真彈，亦好期待同女神Ali合作。而AL同樣話冇可能同韓國男神朴敍俊比較，所以再演霸總有一定壓力，講到劇中有一場超經典嘅火辣床戲，教主希望可以盡量原汁原味呈現，超期待呀！
此外，姜濤回應返喺金像獎後台畀正副隊長整蠱一事，當講到Stanley揀咗Frankie做BL拍檔後，Jeremy即拉Stanley埋姜濤旁邊「任咀」，巧大方呀！想知Ian演唱會幾時舉行？Tiger個唱加場有咩感受？大家睇足本訪問就知啦！
