【Viu】94歲「修哥」胡楓今日精神奕奕現身記者會，宣布6月第6度踏上紅館舞台，堅勁呀！修哥接受訪問透露只唱一場：「唔知體力應唔應付到！」而今次個騷將破天荒喺下午3點幾演出，修哥解釋以往開完騷，有長者觀眾搵車搵到凌晨一點鐘，搞到佢超內疚，決定以後再開騷都係咁嘅安排。
至於有咩嘉賓？修哥表示唔係佢負責，又話主辦玩神秘，咁會唔會自己出面請人？一班契仔契女如黎明、張學友、張家輝、林憶蓮等又有冇舉手上台？
講講吓「舞王修」又謙虛認老，「勁歌就麻麻哋，熱舞都唔會喇！九十幾歲唔可以郁動太多，總之有娛樂性！」想睇修哥幾咁精神字字珠璣，入嚟睇片啦！
