【Viu】台灣創作歌手「小隊長」盧廣仲一連三晚《HeartBreakFast 傷心早餐店》巡唱香港站，今晚頭場，現場野生捕獲《Bad Girl大過佬》嘅森美、阿正同Elsie齊齊嚟撐「Michael」小隊長，未入場先high呀！
小隊長喺呢次tour主力帶嚟同名專輯《傷心早餐店》嘅歌，甫開騷先播《太陽與地球》嘅MV，之後佢就以MV入面個look現身幕後唱《一夜一夜一夜》，直到唱《以後》先正式亮相，獲一眾「小隊員」熱情歡迎！第三首就係《輕輕對你說》，就好似喺耳邊輕聲唱畀大家聽咁，溫柔到令全場嘅耳朵集體「懷孕」！另外，師弟呂允擔任開場嘉賓，帶嚟《等待你那天》、《擁有晴天》，同師兄一樣咁靚聲呀！想聽歌就去睇實況片啦！
