【Viu】邱禮濤導演、Anson Kong同ANSONBEAN日前去商場參觀《我們不是什麼》展覽，見返戲服同道具梗係勾起唔少回憶啦，AK仲喺「殺父戲服」前戲癮大發，連「Ben哥」袁富華都扮埋；見到Ike畫嘅「籃球暉」又玩一餐，老闆真係電力十足㗎！
邱導、AK同ANSONBEAN異口同聲話最難忘係暉仔同Ike喺隧道互摑嘅戲份，事關拍攝時正值炎夏，拍到差啲中暑，加上太投入角色，「雙Ansons」忘形真摑十幾巴，摑到AK手指爆微絲血管；AB塊面都腫埋，第二日拍床戲都要消腫先搞得掂呀！
邱導笑言見到兩位咁投入的確好感動，但係唔希望演員用痛苦嚟演戲，Respect呀！想同「雙Ansons」一齊睇展覽就睇足本訪問啦！
