【Viu】邱禮濤導演、Anson Kong、ANSONBEAN今日出席《我們不是什麼》見面會，除咗分享拍攝難忘事，仲同Fans玩遊戲晒演技，當然唔少得大合照環節，場面熱鬧！
「雙Ansons」受訪時為「票房公約」立Flag，ANSONBEAN話300萬票房就會開Booth畫畫，咦？咁Fans著唔著衫畀佢畫好呢？AK就有另一番見解喇，仲話如果有過千萬票房先肯重演著底褲做寫生對象嘅名場面，寄語大家唔好扮細，夠18歲嘅朋友快啲入場支持喇！笑問幾多票房先肯重演喺隧道互摑一幕呢？AK對於興奮嘅「小跳豆」就表示「叔叔不行了」，omg竟然咁大方認「叔叔」，睇嚟AK呢幾年都攰喇！
此外，邱導大讚「生粉」同「豆粉」又叻又乖，謝票期間收唔少精美應援，仲話想再搵「雙Ansons」合作添！想知就睇足本訪問啦！
