【Viu】《KEUNG TO “LAVA” LIVE TOUR 2026 - RENO》啱啱圓滿結束，姜濤喺美國站選唱咗張惠妹喺07年推出嘅作品《如果你也聽說》，「國語姜」唱慘情歌真係聽到心到痛埋呀！
期間姜Admin多謝美國糖嘅「飛機應援」，金牛座嘅佢仲Fun爆問大家使咗幾多錢，又叫大家將錢用喺自己身上，好Sweet呀！姜Admin又講到場地附近有賭場，笑問大家有冇賭兩手，又爆金句話：「小賭就怡情，大賭唔會變李嘉誠㗎！OK？」、「老虎機就一定蝕㗎！」笑爆全場呀！
是日心情大靚嘅姜Admin，喺開騷前連po三個限時動態派福利，包括化身「廁所歌王」，仲將美國糖嘅飛機應援片配以驚訝公仔，認真活潑！想睇姜濤美國站精彩內容就睇現實實況啦！
