【Viu】姜濤今日醒神現身台灣「2025 GQ Style Fest 潮流文化祭」，佢一出場就「入鄉隨俗」晒國語，姜Admin表示今次係完成咗個小成就，就係第一次喺台灣表演！
姜Admin先唱出喺台灣拍MV嘅《愛情簽證申請》，全場氣氛已經超好！ 之後，姜Admin首度唱出即將出世嘅「19胎」，呢一首深情國語歌就未有歌名，歌詞當中有「如果我早一點牽著你的手，給你要的溫柔」，聽到都覺得好冧啊！姜Admin唱完之後就介紹：「出道後第一首正式的國語作品，公司蠻堅持，說：『你的歌還沒發，然後你在台灣唱，會不會太早？』我說不是，這是一個很好的緣份，人生第一首出的國語歌，可以在台灣首唱，我很堅持一定要在這個場合唱，希望大家喜歡！」
姜Admin深情剖白之後，就同大目老師、一班台灣舞者帶嚟《Every Single Time》，有型啊！完成演出後，姜Admin喺落台前好鬼馬咁講咗句「encore」，台下嘅觀眾、粉絲都不斷大叫encore，盡顯不捨！
