【Viu】白色情人節快樂呀咁多位！Canvy場「仙界大戰」今日晏晝移師到老旺街頭快閃「決鬥」，吸引幾百位蘇蝦、晴天蛙蛙到場應援兼收白色情人節禮物，場面爆墟冚！Ivy So、Candy分別準備咗蝴蝶酥同心形軟糖送fans，唔知兩位女神又多唔多落老旺？去到老旺又做啲咩？
Canvy齊齊以solo歌手出道，Ivy So感謝身邊嘅好友鼓勵創作，為處女作《給你一隻大口仔》填詞，向唱作歌手進發，又重提Winka一睇到份詞爆喊經過，未知Ivy So之後唱live會唔會淚崩？手頭上仲有幾多首作品等「出世」？
Candy則希望借《直白》創2026年首個潮語，以「直白啲講⋯」為開頭，又話開心見唔少晴天蛙蛙以千字文嚟解讀佢個MV，遲吓會唔會再live同大家討論？或者搞個有獎問答遊戲？問到會唔會公開《6543》Demo畀大家嗰陣，有求必應嘅Candy即場唱咗幾句，超正呀！
Solo新歌順利「出世」，兩女都話個心定咗好多，但之後單拖上電台宣傳先係打大佬，雖然COLLAR班姊妹有為佢哋打氣，但都好緊張咁話！佢哋又搞笑為壓軸solo嘅Gao自定出道日子，仲自薦一個負責填詞、一個負責拍MV！
另外，Canvy孖Jeremy上CC crossover，佢哋笑話Jeremy已成COLLAR嘅一份子，仲改咗個好襯佢嘅女仔英文名添！而Candy、Lokman孖阿正合體拍reels為《金多寶》宣傳，下次搵埋蝦頭拍多個version？即刻去片睇足本訪問！
