MIRROR隊長Lokman憑《我推的男子》獲得《第34屆香港舞台劇獎》嘅「最佳男主角（喜劇/鬧劇）」提名，Lokman直言意想不到，亦唔敢諗會唔會「一擊即中」，事關好事永遠係突然發生，正如今次可以入圍一樣！不過，Lokman就大爆好兄弟Dee哥係「先知」，未公佈提名名單前已經收到風，率先送上恭喜，有料喎！至於副隊長AK以「阿發外父」嚟形容對Lokman提名劇帝嘅感受，Lokman爆笑感謝AK周圍宣揚自己嘅美，仲話其實係自己先看到AK㗎！
此外，講到日前為《金多寶》謝票同李尚正世紀合體，Lokman笑認某啲角度有8分相似，仲和議兩代「林肯」同兩代「阿珊」蝦頭、Candy齊齊登台唱歌兼拍《林肯前傳》，想一齊恭喜Lokman就睇足本訪問啦！
