【Viu】一睇到MCM莫竣名、Lam Ting林千渟合體，就知《入住請敲門》系列返嚟啦！事隔7年終於有第5季，呢次MCM、千渟繼續分頭行事，分別去咗馬來西亞檳城、韓國首爾入住傳聞鬧鬼酒店！MCM坦言今季係最大衝擊、最深刻，抱有「存在」嘅心態就寧舍驚，感官all in放大！怪唔之得佢喺記招玩完恐怖箱，keep住直落到做訪問都仲手震啦！
相反千渟就話放鬆咗，但撇除入住鬧鬼酒店，佢透露今次仲有去連環殺人兇手嘅犯案現場，深深覺得人比鬼更恐怖！雖然千渟未有親眼見到靈體，不過佢話每當feel到有「朋友仔」都會傳嚟一陣味，究竟係咩味？佢又劇透同行素人疑似瀨嘢，咁佢自己有冇發生過靈異事？
MCM則自爆疑被鬼上身，事緣佢喺百年豪宅入面打坐，之後發生咩事？旅程中MCM又去咗一個荒廢嘅大型商場，狂踩蝙蝠屎呀，真係聽到都打冷震！MCM仲話同啲crew一齊聞到香水味，來源係嚟自邊度先？佢哋又敢唔敢交換地方探靈？若然《入住》開第6季，佢哋又想去邊？先睇足本訪問！
