【Viu】Lokman楊樂文、Candy王家晴同李尚正今日聯同導演翁子光、執行導演何爵天為賀歲片《金多寶》謝票，兩位「林肯」首度合體，當然笑料百出，Lokman同正爺仲首度開腔合唱《我的回憶不是我的》，Lokman仲神還原Chok爆轉圈一幕，笑爆全場！Lokman坦言年幾前已經有人話自己似正爺，睇完電影亦覺得被震撼，事關實在人有相似，又自評今次演出林肯年輕版係淋漓盡致，大解放咁話，最緊要大家繼續支持《金多寶》！
至於客串「蝦頭」楊詩敏年輕版嘅Candy就話NG咗十幾廿次，但見到齊蔭造型超興奮，連翁導都話「女拔校花」呢個角色非Candy莫屬呀！想睇兩位林肯合體送「事業扇」有幾爆笑就睇足本訪問啦！
