【Viu】殿堂級樂隊太極、台灣搖滾女王Shino林曉培今日輪住宣布分別5月喺啟德、同4月喺伊館開騷！太極今次係慶祝成軍40周年，趁馬年許願「馬上加場」，唔使搞到一身飛債！五子喺台上搞笑話諗過着返當年啲歌衫、恤返個靚頭，係咪真係會咁做先？Joey Tang捨得個長髮look剪短？Edde留長頭髮？德哥換白髮造型？
Ricky今日着嗰件hoodie看似普通，但喺body兩邊開咗兩個大窿，到時開騷行sexy路線？再Tag到佢喺台上爆當年有女fans誤認咗佢做Patrick錫咗一啖，依家仲有冇女fans點錯相？點知佢哋笑言依家啲fans反而係認錯Joey、德哥，當中有咩笑料？
五子除咗預告會有兩首新歌之外，亦會有一part係向離世隊友Gary Tong致敬！另外，Ricky、Patrick呢兩位二月壽星齊齊「登六」，抵死笑言終於享受到樂悠咭所帶嚟前所未有過嘅福利，例如係搭2蚊車！
另一邊廂，Shino事隔13年再喺香港開騷，講到明必唱廣東歌，當然《娃娃愛天下》實走唔甩，佢仲搞笑隔空尋「阿舜」，希望搵對方上台伴舞喎！如果真係搵到阿舜，Shino跳埋一份？
