【Viu】林日曦年度癲喪喜劇《大反枱日》嚟到第25場，兩位主演林日曦、梁祖堯，加特別反常演出嘅胡麗英喺謝幕現身！期間林日曦點名感謝首部舞台劇合演嘅女主角，宣萱嚟撐場！呢場獲最佳格仔服裝獎又係邊位觀眾？
之後林日曦話今次打破7年以嚟嘅「傳統」，完騷後歡迎fans排隊搵佢影相，超寵粉呀！除咗單人相之外，3位演員亦喺台上同全場觀眾大合照，會放上俾大家download ，但因為有「人」行過要take 2，照道理每位觀眾都應該係坐喺個位度，莫非演藝有⋯？呢位「腦細」表示因「Coldplay事件」後，專設「最後逃生門」服務，如果介意上鏡嘅朋友，可以send email通知遮樣，呢單嘢簡直係開創香港舞台劇先河，好貼心呀！
臨尾林日曦真情剖白，透露舞台劇係父母嘅真人愛情故事，但怕內容太感人令觀眾爆喊，最後受梁祖堯同胡麗英等鼓勵寫低劇本！當中有冇窺探爸爸嘅私事？真係去到last，仲有林日曦寫畀大家嘅一封「情信」，學腦細話齋，如果覺得好睇就推介畀身邊嘅朋友啦！依家就先睇謝幕片段！
