【Viu】COLLAR成員Marf邱彥筒將於3月22日在麥花臣舉行首次個人演唱會，以「Nights like this」為主題，打造Marf與Muffin的難忘一夜。向來有諗法嘅Marf，預告會有音樂劇環節，仲想翻唱男歌手前輩們如Eason、張敬軒同許廷鏗等經典歌，展現自己嘅更多面向，又笑言如果有Budget的話，最想學蔡依林將「動物」搬上舞台，No.1心水梗係自己最愛嘅熊Bear Bear啦！
Marf直言去年為Coldplay啟德騷擔任暖場嘉賓後，大開眼界，希望自己嘅音樂有朝一日可以衝出香港，令更多人知道香港有一位「奇奇怪怪」嘅女歌手，仲自認愛接受挑戰，連Slasher都撈埋，最緊要好玩咁話！想了解Marf嘅更多鬼主意，記得睇訪問喇！
