【Viu】阿正、Elsie同Ocean安柔潔今日出席品牌活動，亦象徵住「Bad Girl」阿正同Elsie首度進軍潮流界，兩位亦落力Hard Sell，仲話啱晒拜年去𢭃利是添！有阿正就有歡樂，今日「正姐開庫」講棟篤笑，由小儀老公靚仔過Edan講到「屯門呂爵安」，仲話獲蘇民峰師傅贈言呢兩年桃花超旺，最好「三扒兩撥」嫁咗佢，錯過咗就有排等喎，至於係「扒」定「爬」；「撥」定「勃」呢，大家就自己諗喇，正姐仲笑言難得桃花運咁Dope，溫馨提示各位追求者要著定「三條褲」呀，Elsie都冇佢咁好氣呀！
講到早排去睇泰國GL天花板「LingOrm」嘅Fans Meeting，正姐笑指原本以為自己好低調，估唔到吸引咗一條幾廿人嘅合照人龍，仲大讚LingOrm真人超靚女呀！咦？如果最愛嘅朴寶劍同LingOrm同日同時間開FM，正姐又「情歸何處」呢？
此外，Ocean分享返同Tiger喺《存酒人》互獻螢幕初吻嘅情形，最正係屋企人齊齊捧場兼Save低，又話如果開續集，希望「阿雪」同「燁仔」可以修成正果！大家想知就睇足本訪問啦！
