【Viu】Amy Lo盧慧敏去年橫掃各樂壇頒獎禮嘅新人獎，因此對歌唱事業有更大嘅信心，開心得到各界嘅支持同鼓勵！佢亦對fans接受到佢唔同style嘅曲風，覺得好欣慰，仲話啱啱先去完台灣進修，真係好勤力呀！
集Model、演員、歌手於一身，Amy今日受訪時，搞笑話鍾意炒埋一碟嘅感覺，貪玩嘅佢遲吓想踩埋去主持、幕後範疇，做到就成就解鎖啦！問到當年決定做歌手，係受邊位伯樂推一把嗰陣，Amy竟然話係哲學家尼采，呢個真係估佢唔到喎！Amy興奮宣布嚟緊會參與ComplexCon演出，有機會同Jennie@BLACKPINK share同一個舞台，Amy會使出咩殺手鐧？
講到出歌，Amy話好想出首母語西班牙文歌送畀媽咪，仲笑言可能會搵媽咪填詞，自爆喺家鄉哥斯大黎加有fans club添，勁威豬呀！身材高䠷嘅Amy出道至今答得最多嘅問題，必定係身高問題，Amy呢日confirm大家佢係有1米77，又自揭「翻版鄭伊健」嘅由來，SLDPK！另外，Amy又係咪事業、愛情兩得意？佢接唔接受到比佢矮嘅男仔？想知就要睇足本訪問啦！
