【Viu】「邱氏兄妹」Tiger@MIRROR、Marf@COLLAR要開首個個人演唱會啦！佢哋今日出席「麥花臣節2026」記招，分別公布3月尾嘅開騷日子！Tiger指收到開騷消息都好緊張，因為自身歌曲數量唔算多，所以都會揀其他歌cover，自爆會揀《造星》比賽唱過嘅，咁會唔會揀兄弟嘅歌？喺《存酒人》同Lokman合唱嘅《摯友》又係咪on list？定係會再表演唱子喉？
Tiger指喺體力上亦係一大挑戰，所以都諗住去跑步，順便飲奶補充？佢笑話雖然未飲到怕，但指物極必反，飲得多都胃痛！至於講到佢攞埋「老婆」出嚟拍攝，睇見「爸爸」黃又南試揸甩尾，Tiger笑話冇擔心過嘅，知道對方都好錫車！對於同一眾演員、小虎隊喺戲院睇大結局，加上張新悅驚喜現身，Tiger感受如何？Tiger獻出螢幕初吻前有冇做咩準備？
邱妹Marf笑話成個騷第一樣firm嘅唔係rundown，而係周邊產品，咁神奇？佢再預告其中一part會係musical，仲會有男主角添！idea多多嘅Marf話今次都必定會拍BTS，依家只係諗緊喺邊個位播！
因為只得一場，Marf指冇特別邀講嘉賓，會同Dancers跳爆麥花臣舞台！會唔會落台同Muffin共舞？會唔會有T台？Marf又會唔會趁開騷前再出歌？另外，農夫、Teddy Fan、Gordon Flanders都會輪住開騷，其中農夫未開騷就先放笑彈，又喪同老婆兼主持黃天頤耍花槍，笑爆嘴呀！
