【Viu】「無悔三兄弟」Lokman楊樂文、Dee哥何啟華同Alton王智德今日出席ViuTV新劇《喜劇開場》（暫名）拜神，識於微時嘅三子，首次合體拍劇，笑言朝夕相對至日久生情，仲瘋狂爆肚，火花十足！講到造型除咗係參考日版外，Lokman仲搞Gag話係參考人氣韓團Cortis嘅街頭風；Alton就專誠漂咗一頭橙髮，笑指過程似醃泡菜！
至於Dee哥就巴閉喇，繼賀歲片《夜王》同楊偲泳激咀後，今次又同林千渟演一對，仲自誇係150分男女添！講到螢幕初吻，Lokman喺《存酒人》都送出螢幕初吻畀詹子萱，仲還原返拍咀戲有幾尷尬，大呻難過講招牌港普呀！
此外，對於ERROR呢排嘅小風波，Dee哥就以《用背脊唱情歌》嘅歌詞憑歌寄意，姓楊姓王嘅仲識做迴避擰轉面，笑爆全場呀！快啲睇足本訪問啦！
