【Viu】華納自同新城「破冰」後，今年總動員現身《新城勁爆頒獎禮2025》擸走14.5個獎，各大獎亦能分一杯羹，當中MC張天賦更係捧走3獎成為大贏家之一，認真收穫豐富！華納三寶陳蕾、MC、洪嘉豪加自稱「牛丸」嘅Gareth T一齊受訪，大放笑彈！對公司同新城「破冰」，4位又點睇？
4位逐一講得獎感受，蕾子先講攞女歌手銀獎好開心，呢次唔使再畀MC、豪哥坐住條裙起唔到身，今日仲着平底鞋跑上台，不過一度血糖低，發生咩事？
MC話最開心係憑《Sweet & Sour》攞「勁爆年度專輯」，係一team人嘅成果！呢日見佢好似瘦咗，莫非終於的起心肝減肥？點知佢自爆腸胃炎，又屙又嘔足7、8次，係咪食外賣食到咁？MC仲爆埋睇醫生嗰陣問可唔可以飲汽水，咁funny？佢又認唔認唔夠持久？
豪哥首拎唱作人獎最感動，寫足7年歌終有回報！笑提蕾子、Moon Tang分別點評佢隻新碟cover似佐藤健、V，不過當事人似乎唔認同，反而話係似另一個「生物」，係邊個？同時佢點解釋唔採用蕾子幫佢揀嘅紙質？
Gareth憑《用背脊唱情歌》勇奪「勁爆年度歌曲」，上台用背脊唱歌係一早諗定？定係堅被豪哥踢爆係睇歌詞？而講起Gareth同Wyman一齊拍片表演「令山轉」，佢覺得Wyman值幾多分？不過呢首大熱歌不入叱咤「我最喜愛的歌曲」5強，覺得好可惜？
