【Viu】ROVER今晚成功爭取平安夜連走3場，宣傳新歌《容許我為你鬆手》，Kim笑稱聖誕好多人失戀，聽慘情歌可以抒發吓！又幾細心喎！咁4子聖誕點過呢？Kim同亨仔會同屋企人食飯，因為之前太忙，連冬至飯都未食呀陰公！
講到嚟緊元旦嘅「造星Family」倒數騷，4子話今次可以願望成真，但就唔可以劇透喇！而亨仔同希晉稍後亦會現身《全民造星VI》總決賽，同11強有合作演出。
希晉今晚亦搵咗老Best Hei合唱下月推出嘅新歌《秋風吹起掛念》，而《造星VI》11強之一嘅丘藍都有份演出呀！想聽埋ROVER靚聲報佳音，仲唔入嚟睇片！
