【Viu】古天樂、林峯、三哥苗僑偉、宣萱、郭羨妮、滕麗名、洪天明、肥腸同伍詠詩今日到昂坪宣傳電影《尋秦記》，新加入飾演Ken嘅三哥原來有留意網友Comment，指佢嘅角色係「Ken軻刺秦王」，只不過唔係用劍啫，古生亦搞Gag話：「佢用殺蟲水㗎！」又話如果票房好，三哥就會唱《天命最高》咁話！林峯就好開心可以同古生有第一首合唱歌《天命最高》，仲話有喺網上翻睇舊劇片段，回憶滿滿！講到古生日前去咗探訪大埔火災受災人士一齊食盆菜，佢嘅回應都係一貫簡而精：「佢哋需要長期關顧！」
至於項少龍嘅三位女人宣萱、郭羨妮同滕麗名就好開心可以再見到大家，宣萱仲讚阿滕Keep得最好，一定係食咗「超級防腐劑」，仲話最鍾意烏廷芳被項少龍點穴，「篤」到爆粗嗰段NG片添！而郭羨妮就話囡囡平時唔會睇自己嘅作品，但見到「古裝媽咪」應該會好奇，亦坦承有戲癮，想再接拍「女人戲」！想率先過足「戲癮」，記得睇足本訪問喇！
