【Viu】任達華今日喺中環出席個人藝術攝影展發佈會，太太琦琦、好友邵美琪、霍啟剛、劉天蘭、文念中、陳善之等專誠撐場，仲邀得著名時裝設計師靳埭強為攝影集寫序，相當熱鬧！
華哥親自解說影展主題，原來以「花」為題全因太太琦琦，仲讚老婆係「花中花」；琦琦就謙稱老公畀面，囡囡任晴佳先係「花中花」呀！華哥透露稍後會為藝術展做一系列講座，對象包括學生，笑言唔擔心畀學生哥要求「捽甩佢」，仲歡迎大家拎自己嘅作品「二次創作」添，認真玩得！對於Tyson笑言要將華哥提議嘅新歌《捽甩佢》Line Up林家謙同Jeffrey合唱，華哥就爆笑回應！
提到早前喺活動上仆親但完美落地嘅片段喺網上瘋傳，華哥就自爆多得影后加持，先可以「華麗轉身」，係咪好想知呢？華哥仲將最錫嘅Jeffrey推介畀「Madam」邵美琪，加入PTU，想知幾時成事就睇足本訪問啦！
