【Viu】「法魯王」Anson Lo@MIRROR完成5場亞博騷後興奮受訪，自評第2次個唱80分，仲開心話覺得自己表演投入程度有提升！至於刷新亞博「最長」舞台記錄，講到個「長」字，撈撈豬就怕醜回應啦！
撈撈豬喺今次演唱會大騷令人葡萄嘅腹肌兼人魚線，係咪真係靠唔食飯練返嚟？邊套outfit係挑戰最大？依家腰圍又係幾多吋？提到佢前一場跳到條低腰褲爆鈕，當下驚唔驚甩褲㗎？雖然佢話完騷後會放肆進食，更表明會去試「味蕾炸彈」肉餅飯，但撈撈豬就話有plan keep返排「朱古力」，限期係咪一萬年？
除咗喺台上自爆少食嘢「曳事」之外，佢仲爆埋呢幾日都係朝早6點先瞓，撈撈豬反駁話平時好早瞓㗎，甚至公開埋每晚騷後routine畀大家評評理！至於講到佢喺尾場多次幽默發言，由I人變E人，原來全因為粉紅海嘅魔力，神徒s聽到呢句實勁冧豬呀！唔知完騷後教主個壓力有冇減低？今次開騷堅係有壓抑住唔好喊？
另外，教主直言因大埔火災悲劇更改rundown，例如係cut歌、mute歌詞、cut effect，當中更包括一項送禮環節，之後會以咩形式送返畀神徒？真係會搞拍賣會？佢亦隔空向災民送上溫暖嘅打氣說話，即刻去睇足本訪問片！
