Photo／Edan Lui 呂爵安 facebook、edanlui IG
Edan呂爵安早前在Instagram發布與Anson Lo的合照，惹來網民指責他「炒CP」，Edan留言反駁對方之餘，昨晚更在IG直播中回應，他透露以往也收過同類「問候」，部分人更在IG把他設置為「密友」，逼他看到有關的限時動態。
Edan昨晚在IG開直播。Photo／edanlui IG
直播中，Edan搞鬼地將「莫生氣」filter放在頭上，但表示要嚴正澄清自己「冇生氣」。他透露，一直都收到指他「賣CP」的「問候」，而最令他忍受不到的是，有些人會把他設置為「密友」並標註他，令他不得不看到那些story，但現在他會封鎖那些帳戶。
Edan又謂，以前他不大理會這些「問候」，今次選擇回應全因指控並非事實，他擔心一直不講就要「硬食」，之後會被誤解，以後在社交平台出post也會有所避忌，況且他沒有做錯事，「大佬，你同個朋友去日本，咁po下相都好正常啫」。
Edan前日在IG上載於日本便利店與Anson Lo，和日版《大叔的愛》「大叔」吉田鋼太郎海報合影的動態圖，怎料有人留言批評Edan「唔好浪費時間喺度炒CP啦」，引來Edan回應「我係咪唔同得我朋友合照呀？」
Edan上載在日本便利店，與Anson Lo和吉田鋼太郎海報的合照。Photo／edanlui IG
Edan罕有回應網民無理指控。Photo／edanlui IG
Edan與Anson Lo因在《大叔的愛》飾演同性戀人，私下又老友鬼鬼而被粉絲湊成「登神CP」（CP即Couple簡稱）。不過，Edan在IG直播否認「賣CP」，「老實講如果我要賣CP，我就係咁po啦......但我又幾時有呢？」
他又想藉着今次事件扭轉固有觀念，「當藝人被曲解，好多時大家會叫佢唔好出聲，你控制唔到、你預咗，呢件只係一件小事，如果更大嘅事，你又唔講，咁就影響咗大家對你印象同觀感。」他又指，如果在現實生活中「被屈」，發聲也是正常，而且他跟對方並非對罵，只是理性討論。
