【Viu】喺新節目「彩虹」特別專線之中，「司機」強尼車住Marf@COLLAR遊鯉魚門！強尼表示二人從未合作過，今次同Marf嚟個deep talk，可以更了解呢位「妹豬」嘅內心世界，例如估唔到Marf都鍾意煲韓劇、睇鬼片！佢哋勁啱嘴型，傾到停唔到口，公開爭取遲吓可以再合作，綜藝方面可以拍旅遊、美食節目，至於戲劇方面，強尼想挑戰做勻咁多位COLLAR成員嘅「爸爸」？
Marf又話原先想帶埋個P牌嚟開工，諗住今集可以反串由佢做司機，強尼聽到都即刻舉手話想試坐！而Marf又講到勁想好似好姊妹Gao咁開個一個揸車系列，搵埋啲friend一齊唱歌！會唔會可以車Muffin當派福利？
強尼自認係禮讓型司機，成日覺得因快得慢；相反，Marf就自稱係心急類型，仲會係一心二用添，因為揸車令佢放鬆，所以啲靈感就嚟料啦！咁唔知喺COLLAR入面，佢覺得邊位好姊妹係「模範司機」？今次又會畀強尼手車幾多粒星？佢更意外爆好鍾意坐某MIRROR成員架車，究竟係邊位成員？想知就睇片啦！
「彩虹」特別專線由12月8日開始，一連5晚11點半喺ViuTV播映，Viu.com同步上架！
