【Viu】MIRROR今日全員出席活動，吸引大批鏡粉迫爆商場，12子仲對各自嘅BABY MIRROR愛不釋手，Jer仲成為全隊公認最似卡通人物嘅隊員，厚唇同水怪一模一樣！講到Jer早排喺《MIRROR 7th Anniversary - GAME of MIRROR：閃避球挑戰賽》 度過正日生日，佢直言係第一次喺工作中慶生，但為咗備戰演唱會，今年一個蛋糕都冇食，仲笑言「舞王Jer」只係虛名，但密集式工作令佢感受到巨星架勢！講到AK畀鏡粉掟到「中頭獎」，原來佢一度以為兇手係Lokman；榮膺MVP嘅Alton就多謝各位承讓。至於Ian直認係頂硬上帶傷上陣打比賽；Stanley因為扯高衫騷肌被封「機心表」，真係開心返埋嚟呀！
除咗「如火如荼」同「密鑼緊鼓」綵排《MAMA》外，姜濤、Anson Lo同Jer仲要排練solo con，姜濤仲「被預告」平安夜場會派福利，笑Cry呀！
而榮升「呂Oppa」嘅Edan就分享拍Viu Original 原創犯罪韓劇《模範的士3》嘅感受，想知佢同劍擊「世一」蔡俊彥邊個「地獄」啲？AK又點回應同商台嘅關係？大家睇足本訪問就知啦！
