【Viu】嘻哈電音天團Black Eyed Peas趁出道30周年，今晚喺西九文化區安盛竹翠公園舉行戶外騷《BLACK EYED PEAS HONG KONG 2025》，同fans一齊同賀！而呢次更係佢哋事隔20年再嚟香港開騷，現場氣氛high到爆！
Gin Lee李幸倪受邀擔任暖場嘉賓，着超貼身黑色連身裙出場，一口氣帶嚟3首 《Dum Dum》、《Diff.》、《喘息空間》快歌，勁歌熱血喪扭Pat 秒令西九氣溫急升！Gin臨離場更送現場觀眾一個大驚喜，即場宣布明年2月紅館見！係Gin相隔8年再開紅館騷，仲將火辣噴血poster show埋畀大家睇添！
隨後Black Eyed Peas三位元老級成員will.i.am、apl.de.ap、Taboo hyper現身，一嚟就唱《Let’s Get It Started》，全場fans即刻跟beat起勢舉手揈！菲裔美籍成員J. Rey Soul後join帶嚟兩首經典洗腦歌《Boom Boom Pow》、《Rock That Body》掀高潮！
另外，除咗有Tim同愛妻Rabeea、何佩瑜、洪助昇、楊天宇、曾比特、The Lemon Ones嚟睇騷之外，更野生捕獲到「千億新抱」Cathy徐子淇孖老公李家誠入場，見兩公婆同朋友企喺旁邊嘅小台位置，戴住帽嘅Cathy成個迷妹咁企最前，手拎住暖包邊唱邊un，睇到勁投入呀！想feel feel現場氣氛就click入嚟睇片啦！
