【Viu】Ian@MIRROR順利完成Jazz音樂會，坐咗一晚演出表示好正，可以同觀眾調轉觀感！咁係咪之後會考慮開騷加入唱Jazz？陳仔又講到今晚有好多歌都係私心揀嘅，細細個都聽埋唔少好歌，自爆原本有諗過鋼琴自彈自唱，咁點解最後冇安排？
講返第一場嘅Hellosss誤以為佢甩鞋，所以Ian笑話見唔少第二場嘅Hellosss zoom in影鞋，勁爆笑！同時發現乜陳仔都會mon post㗎咩？佢指呢晚同Hellosss勁close、氣氛又溫馨，忍唔住由I人變E人主動request deep talk，聽見Hellosss公開爭取偶像再開演唱會、出新碟、搞簽唱會，Ian又有乜回應？年頭寫好嗰首新歌幾時出？考慮出節日歌？中秋節唱《Fly me to the moon》咁應節？
關心到Ian嘅腳傷，佢報平安指有keep住治療，再爆拍新團歌《DNA is U》MV係腫到去小腿，跳舞嗰陣係好痛要就住，但講到佢同Jer呢pair舞王企C位，陳仔幽默笑話終於捱出頭！MV復刻多個經典廣告是咪好funny？另外，MAMA演出排練成點？閃避球挑戰賽ready好未？怕唔怕因為腳傷成隊友狙擊目標？依家將時間交畀陳仔！
